konsertoversikt.no

Cannibal Corpse (US) 1 år siden

kl. 22.00 på Hulen
Adresse: Olaf Ryes vei 48, 5006 Bergen
Aldersgrense: 18 år

Brutal musikk, brutale tekstar og brutale albumcover, alt framført av rimeleg brutale karar. Det mest innverknadsrike og kommersielt suksessfulle daudmetallbandet, Cannibal Corpse, kjem til Hulen 7. juni. Når me seier kommersielt, er ikkje det det same som å vera A-lista på P3, og låttitlar som «I Cum Blood», «Entrails Ripped from a Virgins Cunt» eller «Post Mortal Ejaculation» provar det.

Dei tre fyrste platene er så brutale at dei er forbode i Tyskland, alle platene var forbode i Australia fram til 2006 – men er no gjeve ut med 18-årsgrense – og dei har fleire gongar blitt teke til retten av amerikanske senatorar. CV-en er i orden, med andre ord.

Utanom enkelte meir eller mindre omtala sidesprang som å vera med i Ace Ventura eller la seg intervjua om World of Warcraft, har Cannibal Corpse haldt seg til det dei kan best – knusa seg fram med beinhard daudmetall, 11 godt mottekne plater på 21 år.

Cannibal Corpse er kan henda det aller viktigaste bandet i sjangeren som dukkar opp i skuggen til band som Kreator, Slayer, Morbid Angel og Death. Over 20 år etter at Cannibal Corpse blei inspirert av dei store heltane deira, er dei no sjølve heltar som inspirerarandre til å driva med brutal daudmetall i dag. Uansett om du kjenner til Cannibal Corpse frå YouTube-suksessar som Apache-musikkvideoen, Ace Ventura og vokalisten Corpsegrinder sitt uforventa World of Warcraft-intervju, ikkje kjenner til dei i det heile, eller faktisk set pris på musikken – skriv ned 7. juni i kalenderen!

• Cannibal Corpse på Myspace
• Fanside på Facebook

Billetter kan kjøpes på Apollon i Bergen, Billettservice eller i døra på Hulen*

*Gjelder dersom konserten ikke er utsolgt på forhånd.

Skrevet av hulen.no

Billetter/informasjon